კულტურა › გამოფენა | თბილისი

საგამოფენო - საგანმანათლებლო პროექტი „ჩემი დედა ენა“

საგამოფენო - საგანმანათლებლო პროექტი „ჩემი დედა ენა“
საგამოფენო - საგანმანათლებლო პროექტი „ჩემი დედა ენა“

"დედა ენის" დღესთან დაკავშირებით, ხელნაწერთა ეროვნულ ცენტრში საგამოფენო–საგანმანათლებლო პროექტი ‘’ჩემი დედა ენა“ გაიხსნება.

ექსპოზიციაზე წარმოდგენილი იქნება იაკობ გოგებაშვილის, აკაკი წერეთლის, სოლომონ ასლანიშვილი-ბავრელის პირადი საარქივო მასალა: „დედა ენის“ შავი ნაწერები, საყმაწვილო ლექსების რვეული, გოგებაშვილის ავტოგრაფი ნასწორები აკაკი წერეთლის ხელით, იაკობის წერილები აკაკი წერეთელთან, წერილები, რომლებიც ასახავენ იაკობის ქველმოქმედებას გაწეულს ქართველი სტუდენტებისათვის (ნოე ჟორდანიას სამადლობელი წერილი მისთვის სწავლის პერიოდში ფულის გაგზავნისათვის), ჩანაწერები თუ როგორ უნდა გავრცელდეს „დედა ენა“ აფხაზეთში, აჭარასა და სამეგრელოში.

გამოფენაზე ასევე წამოდგენილი იქნება: ოსკარ შმერლინგის მიერ საგანგებოდ „დედა ენისათვის“ შექმნილი ილუსტრაციების ორიგინალები და პირველნაბეჭდი ''დედა ენის'' სტამბური კლიშეები.

გარდა საარქივო მასალისა, დამთვალიერებლებს საშუალება ექნებათ იხილონ 1629 წელს რომში დაბეჭდილი პირველი ქართული წიგნი “ქართული ანბანი ლოცვებითურთ” და ივანე ჯავახიშვილის პირადი ბიბლიოთეკიდან საბჭოთა ხელისუფლების მიერ რეპრესირებული წიგნი - აფხაზური „დედა ენა“, რომელიც შედგენიალია იაკობ გოგებაშვილის სახელმძღვანელოს მიხედვით.

ღონისძიების შემდგომი კომპონენტია: ანიმაციური 3D პროგრამა: „როგორ იქმნებოდა დედა ენა“ - განვითარებულ სამუზეუმო სივრცეში. ისოტირული მემკვიდრეობის წარსადგენად დღეს სულ უფრო აქტიურად იყენებენ ახალ ტექნოლოგიებს, რათა ძველი უფრო მომხიბლავი და გასაგები გახდეს თანამედროვე თაობისათვის.

გამოფენის ფარგლებში შექმნილი ანიმაცია არის პირველი მცდელობა ქართულ სამუზეუმო სივრცეში ამგვარი პროდუქტის გამოყენებისა.

წყარო: ხელნაწერთა ეროვნული ცენტრი

ფოტო

საგამოფენო - საგანმანათლებლო პროექტი „ჩემი დედა ენა“
საგამოფენო - საგანმანათლებლო პროექტი „ჩემი დედა ენა“
საგამოფენო - საგანმანათლებლო პროექტი „ჩემი დედა ენა“
საგამოფენო - საგანმანათლებლო პროექტი „ჩემი დედა ენა“

ვიდეო