› სპორტი | თბილისი

ფუტსალში სტუდენტური ჩემპიონატის გამარჯვებული გუნდი გამოვლინდება

ფუტსალში სტუდენტური ჩემპიონატის გამარჯვებული გუნდი გამოვლინდება. სპორტკომპლექს არენა 2-ში გასამართ ფინალურ შეხვედრაში, ჩემპიონის ტიტულისათვის "თსუ" და "სტუ" იბრძოლებენ, მე-3 ადგილისათვის ილიას უნივერსიტეტი და სეუ ითამაშებენ.

ასევე დაიწყება მატჩი უმაღლესი ლიგის საგზურისათვის, სადაც ერთმანეთს ბათუმის შოთა რუსთაველის უნივერსიტეტის და სამცხე-ჯავახეთის უნივერსიტეტის გუნდები შეხვდებიან.

ფუტსალის სტუდენტურ ჩემპიონატში უმაღლეს ლიგაში 12, ხოლო პირველ ლიგაში 16 გუნდი მონაწილეობდა. სტუდენტური ჩემპიონატი, საქართველოს საუნივერსიტეტო სპორტის ფედერაციის ორგანიზებით მიმდინარეობს.

წყარო: სპორტის და ახალგაზრდობის სამინისტრო